රසායනික තහනම!
මම කෘෂිවිද්‍යාව හැදෑරුවේ සාමාන්‍ය පෙළ වෙනකං වුවත් ප්‍රායෝගිකව වගා කරනව. රසායනික ද්‍රව්‍ය නැතිව වගාව කරන්න බැරි නැහැ.
නමුත් ව්‍යාපාරිකව සාර්ථක කරගන්න අපහසුයි ඒකට ගැලපෙන ආර්ථික මොඩලයක් හදන්නෙ නැතුව. ඒකෙ මූලිකත්වය දිය යුත්තේ කාබනික වගාවට නෙමෙයි, කළමනාකරණයට.
ඒකත් ගොවි හෝ වගා කළමනාකරණය නෙමෙයි, කෘෂි ආර්ථිකය රටක් වශයෙන් කලමනාකරණය. අපිට නැත්තෙම මේකයි.
වගා සාර්ථකත්වය
වර්තමාන වියදම් සහ මිළ පරාස අනුව ලංකාවේ ව්‍යාපාරිකව කෘෂිකර්මය කරලා ලාභ ගන්න බැහැ. කාබනිකව තමුන්ගේ ඉඩම වගා කරන එකයි වැටුප් ගෙවල කරන වගායි සම්පූර්ණයෙන් වෙනස්.
ගිය අවුරුද්දේ මුල කොරෝනා පටන් ගද්දිම ගෙවතු වගාවේ ඉඳලා ගොවියා ආරක්ෂා කිරීම ගැනත් ලොකු දේවල් කිව්වා. නමුත් අදටත් රටේ ගොවි නිෂ්පාදනයෙන් තුනෙන් එකක් වත් අපතේ යනවා නිසි කළමනාකරණයක් නොමැති වීමෙන්.
නාස්තිය
පොහොර වුණත් ගොඩක් අපතේ යනවා.
එමෙන්ම අපේ සහල් පරිභෝජනයත් වැඩියි. සමබල ආහාර වේලක් ලැබෙන්නෙත් නැහැ.
එළවළු නිෂ්පාදනය බාගෙකට වැඩිය අපතේ. crop management නැහැ. කන හාල් ප්‍රමාණය බාගෙට අඩු කරල දෙගුණයක් මිල කාබනික ධාන්‍ය සහ එළවළු කන එක නොකළ හැකි දෙයක් නෙමෙයි.
නමුත් මේව තිරසාර කෘෂි ආර්ථික ප්‍රතිපත්තියක් නොහදා ගහෙන් ගෙඩි එන්නා වගේ දාන චක්‍රලේඛ වලින් කරන්න බෑ.
මේ කළ යුතු එමෙන්ම කළ හැකි එක දෙයක්: කොරෝනාගෙන් එහාට කෘෂිකර්මය
කාබනික වගාව කියල කරන්න යන්නෙ වගා බිම් ප්‍රමාණය වැඩි කරන්න නම් ඊට වඩා හොඳයි පාඩු වෙන කුඹුරු සහ වගාබිම් සියල්ල කැලෑ බවට පරිවර්තනය කරන එක, තිරසාර ආර්ථික ලාභ අනිවාර්යෙන් ලැබෙයි.
ඊනියා රසායනික පොහොර තහනම!
#මගේසතදෙක #agribusiness #sustainability
Comments
Post a Comment